估你唔到產品系列、成立一周年國際大舊事回顧

為慶祝「估你唔到產品系列」成立一周年的誌慶，酬謝多餘幾月來路經哀師橋的客仔朋友的支持，本公司特製出一個特痺國際大舊事回顧環節。從估你唔到的評審標準中，特選十件最殺食的大舊事產品回顧一番。務求見證過愚式檀花盛放時刻的朋友們，重溫番一周幾年來件件友舊腦搞過乜諗野的自然衰腦感覺，繼續稟承著做乜諗野都要有估你唔到咁多舊餘的態度做人。

以下是十件最殺食的產品：

(1)突然潛水裝備
信心落水時，話知你水面風光明媚，捩手執起架撐，話落就落，使俾面你啊！

(2)食硬你條維他命
出世得黎行，條命冇得你揀，宿命就預左你還，勞勞碌碌，只係搞好人地條命，我頂！

(3)無謂寺齋搞宴
去親香港一日遊，行程相當緊湊，通常都無得坐低抖抖，吃喝玩樂似糊口，倒頭來乜都冇就走，咁不如番屋企靜修，搞來搞去又係齋搞，無謂啦！

(4)完事物語
主流性完事後動作時代，離不開事後煙橋段，每次均是一部君臨天下皆老作的物語。

(5)糖衣包裝廁紙
一格廁紙，可保平安。新設甜頭包裝，黐筋柔韌，抹乜都黐，意識搵笨。

(6)扯火怒烤晚會
全自動把鬼火透爐，維園阿伯主理，爆粗即著。長夜怒烤，火氣十足，無需加炭。特送長毛蔡蔡子嘆精助燃。辣著火頭，撚化全球！

(7)笨七落驅瘋油
由七碌下天山懶珍貴成份組成：碌拎、碌七、碌友、碌葛、碌腸、碌喉、碌竹。天山特搜，落驅療效，付碌顯著。鼻屎支裝，一搽即掂，包保掂過碌蔗。

(8)竹蔗茅躉掠水
朝爆水耕甘蔗，海面智能生植。朝漲朝退，食住條水。鮮明美態，朝夕多變。汪洋大海企埋二邊。

(9)邊爐青年(邊青)
擅長放大邊爐來打，取得國際認可發大來搞的專業資格。拿手好戲是專門舉辨多舊潤展覽、多形體肥牛錄像及即藉揮豪炒芥蘭的多餘化活動，多年來的努力已獲得外界的一致認同，被賦予「維園阿伯怒搭麗花皇后」的榮譽稱號。

(10)大師級才馮
專門善用糖衣布料修補脫了線、走了樣的衣袖，讓人得以兩袖清風消遙遊樂人間。甜甜地的手袖一揮，芳香遍四周。來一口深呼吸，自然懷有甜在心頭的感受。這種才高八斗、為客仔度身訂造的才馮師博在現今香港已買少見少。體貼的人手剪裁，必定令你穿得舒服樂透。

未來，估你唔到產品系列繼續堅守一貫估你唔到的市場定位，口號依然是「食老本土化傑作，走高檔低下階層路線。格局高，形象佬。」 估你唔到產品系列都仲係種類繁多，煩都煩死你。